閣下即將離開本網站

此超連結可連接至由第三方於互聯網上編載和經營之其他網站。第三方乃非渣打銀行(香港)有限公司及其他渣打集團成員(合稱「本行」)所擁有、控制或相關之單位,亦與本行無任何關係。

此超連結只為閣下帶來方便及提供資訊之用。超連結本身不構成本行對第三方或其超連結之內容、產品、服務或其中包含或可用的資訊給予任何明示或暗示的批准、推薦、認可、保證及陳述。

本行對連結之第三方網站並無任何控制權(編輯或其他),對其包含之內容並不負任何責任。閣下須自行承擔使用或接入此連結的風險。在法律允許的範圍內,對任何由於閣下接入連結所引致或產生之損毀及損失,本行概不負責。

閣下須緊記當按下連結及於瀏覽器打開新的視窗時,閣下將受所瀏覽之第三方網站的使用條款及私隱政策所約束。


繼續
10個私人貸款小知識

10個私人貸款小知識

精明理財「賞」

人人都有機會遇到需要現金周轉,要借錢嘅時候,私人貸款係其中一個比較普遍同有效嘅方法,私人貸款更可以幫你精明理財!貸款及信貸評級又有咩關係?今次就同大家分享10個私人貸款小知識!

1. 私人貸款四圍格價可能會影響信貸評級

相信好多人都有呢個諗法:貸款梗係要申請多幾間,格下價睇下邊間最低息!事實上呢個諗法只啱一半,因為每個人申請私人貸款嘅實際年利率都唔一樣,主要視乎申請人嘅信貸評級同埋還款能力而定。千其唔好諗住既然間間嘅最低實際年利率都唔同,就間間都走去申請咗先,睇吓邊間最平就簽邊間,因為太多貸款紀錄可能會影響到你嘅信貸評級同銀行嘅審批決定,反而會提高貸款嘅實際年利率,得不償失!

2. 咁多款貸款產品邊樣啱?搵專人提供最合適嘅貸款方案

市面上唔同嘅貸款產品各有特色,千萬唔好因一時心急就隨意申請,其實可能有另一個貸款產品更適合你!有啲銀行亦有提供貸款專員協助客戶揀選最適合自己嘅貸款方案。如果你唔清楚自己所需,有些銀行提供專人親自解答你嘅疑問,為您提供最合適嘅貸款方案。客人可以係網頁留低聯絡資料,銀行就會再安排專人親自打電話同你傾。

3. 銀行貸款批核,其實唔難

有人話問財務公司借私人貸款會易過問銀行借,呢句說話因人而異。事實上銀行貸款要求係比財務公司稍為嚴謹,但對大部分人嚟講並唔難,以渣打「分期貸款」為例,基本要求只係年滿 20 歲或以上之香港永久性居民,每年固定收入達 HK$96,000 或以上就可以申請!一個合理嘅門檻,換來比財務公司貸款更低嘅實際年利率、更長還款期、更高貸款額,其實係優點先啱!渣打銀行嘅專業貸款專員會細心聆聽您嘅需要,為您提供最合適嘅貸款方案。

4. 盡早解決財政問題,千其唔好拖

財政問題其實就好似疾病咁,如果開始時唔理佢,採取拖字訣,就會愈來愈嚴重,一定要病向淺中醫!一直拖延嘅話欠款會愈滾愈大,到時就要以更高利息借更多嘅錢先解決到問題,不如趁一開始未算嚴重時,就要盡快處理!

5. 分開幾間借不如一次過借

唔係間間銀行嘅貸款額都批得足,所以有人會出現需要分開幾間借貸款嘅情況。其實咁樣係唔好嘅做法,一來要處理多個還款日期,二來太多唔同貸款紀錄可能會影響TU信貸評級。最理想做法當然係搵一間可提供較高貸款額嘅銀行借貸,一次過解決問題!坊間也有一些私人貸款計劃提供高貸款額及長還款期,適合有需要大額貸款嘅客人。

6. 結餘轉戶助你解決卡數問題

準時還清卡數真係好重要,因為如果還唔清或者只還Min Pay,就會一直計利息,幾張卡都係咁嘅話,真係會好煩惱!如你已陷入卡數問題,你可利用結餘轉戶計劃,將幾條卡數集中還清,再每月攤還,一次過清走卡數,仲慳埋利息,還款期又短啲!

7. 結餘轉戶要有額外備用現金

選擇結餘轉戶計劃時, 也可留意銀行有冇提供「額外備用現金」。額外備用現金可以幫你在還款期內遇到突發周轉需要時,提供額外現金畀你解決問題,避免你要重新申請另一個私人貸款。現時有一些私人貸款計劃更提供額外備用現金高達月薪14倍,令你清卡數清得更安心!

8. 借貸唔使露面,用手機就搞掂

部分人會以為借私人貸款好麻煩,要來來回回去銀行交好多文件,其實而家好多借貸可以用手機就搞掂,非常方便。現在有些私人貸款計劃可完全網上申請,所需嘅文件如身份證明、地址證明、入息證明,都可以網上upload!更有專員與你電話跟進審批過程,全程足不出戶輕鬆申請貸款。

9. 趁低息,善用私人貸款精明理財

識得借,其實先至係精明理財!而家私人貸款利息相對低,借貸成本較以前低,適合趁低息靈活週轉,解決不同個人需要如裝修、讀遙距學位、清還卡數等,甚至善用呢筆額外現金嚟借力打力,達成你嘅理想!

10. 把握機遇,私人貸款幫你資金到位

機會唔等人,要把握機遇首先你要有足夠資金!私人貸款就最適合幫你解決突如其來的資金難題。於現時相對低息環境,可考慮申請分期貸款助你達成目標。

相關文章

一名身穿黃色毛衣啡色長頭髮的女士微笑着拿着渣打Smart卡

解構信用卡現金套現4大誤解

精明理財「賞」

一名女士戴着白色的口罩苦惱地使用她的手提電腦

《慳稅攻略:3招減輕「稅痛」》

精明理財「賞」

畢業生一起把畢業帽拋向空中

海外留學預算高 私人貸款助你解決資金難題

精明理財「賞」

以上資料只供參考。

本資料內容並非提供借貸意見,亦不構成任何貸款產品之要約、要約招攬或建議。

一對年輕男女微笑着展示有稅局圖示的手機